Mi Black Sista Dem

The truth about the way black women view themselves.

(Patois)

 

Weh mek sumuch black ooman hiet di wiay Gad mek dem?

Som a dem bleech out dem fies caw dem nuh laik deng complekshan.

Di dawta dem fies wite an di ress a dem bady black.

 

Mi neva nuo seh black ooman hier cudda gruo lang uovanite.

Nuff a dem trietn dem hier fi luk laik Indian an Chiney.

Weh mek niegah ooman laik fi wier falze hier ah wig?

 

Dem fi fling weh di wig dem an di falze bried dem.

Mi nuo seh dem agoh seh dem hierstail anoh fimi bizniz,

But mi nuh wah mi black sistrin dem fi tun demself inna clown.

 

Mi awdly si wam black ooman wid ar natral hier.

Som a dem cut aaf dem natral afro puff,

An den dem gaw wig stuor fi goh buy ahtifishal afro puff.

 

Black peeple a di ongle ries weh hiet demself.

Wi nuh si nuh adda ries a try fi luk laik black peeple.

Soh weh mek niegah ooman wah fi luk laik wite ooman?

 

Mi black sista dem tink dem nuh luk gud, but dem pretty.

Black sista, luv unuself, an tap mek fool a unuself,

Fah Massa Gad mek unu di wiay im wah unu fi luk.

Author's Note

The English translation of this composition will not be published.