Maata ka aanchal

Its a hindi poem!

Mai jab bhi dhoop me tapkar,
Bhaag daud se thhakkar,
Uske paas jaata tha,
Wo mujhe apne aanchal me bhar leti thi,
Mai uski narm goad(lap) me sar rakh leta tha,
Wo apne aanchal se mera paseena pochte hue mujhe daantti,
Kahan is dhoop me maare maare firte ho..khane peene ka bhi khyal nahi,

Meri maa behad hi saral swabhaav ki thi,
Sansaar ke pharebon se bekhabar,
Ek pativrata patni aur narmdil maa,
Hamare chhote se sansaar ko sanjone me vyast.

Behad meherban aurat,
Kabhi kabhi mujhe pita ke taap se bachati,
Fir apne anchal me chhupake samjhati "kyu karte ho itni shaitani tm",
Aur mai uske aanchal me apne saare dard bhul jaata ,
Uski wo zehnat bhari muskurahat mere har dard ka ilaaj thi.

Usko yeh aabhaas bhi nhi tha ki mai itni jaldi bada ho jaunga,
Ki mai ek din jaunga,
Chhodke usko,
Par ab jab bhi ghamo ka saaya lehrata tha,
Mata ka aanchal yaad aata hai.