أناني

حبيبي يا ناس أناني

بعد غياب جاي يترجاني

قال ماقدرش ينساني

وبيدور عليا ومش بيلقاني

واشتاق لأمانه بين أحضاني

ونفسه يرجع حبيبي من تاني

 

واهي منه محاولة يقلب الطاولة ويطلعني أنا الأناني

بعد القسية هيعيش دور الضحية وأنا المجرم الجاني

 حتى برجوعك وأسفك وندمك حبيبي ظالم وقاسي

نسيت قلبي لما كان بكل وقت وكل مكان عليك ينادي

ناسي لما كنا لمة وتفتكر الكل وعندي عامل فيها ناسي

وللا لما ألمحك، وملامحك تفضحك، مبسوط مع التاني

لا يا قلبي وفر شهامتك،عيش كرامتك بلاش تحن له تاني

مهما حاولت ومهما عملت ومهما فضلت تترجاني

بعد تعبي أداوي فيك، مش هسيبك فريسة ليه تاني