kahit ang dugo ko'y magiging tinta

nakatingin nalang sa tuwing dadaan, 

di alam kung pa'no uumpisahan, ang usapan. 

bumabagal naman ang puso pag ikay tinitignan, 

ngunit nanlalamig at tila mauutal, sa tuwing ika'y aking nang lalapitan. 

 

bakit ba 'di ako makapagsalita? 

oo nga pala, ako'y natutulala sa 'yong ganda 

delikado, baliw na baliw sa'yo 

pwede bang dito ka nalang sa piling ko 

 

di naman ipipilit at handang mag hintay 

at mapasaya ka sana ng tulang aking iaalay 

Pagpasensiyahan mo kung gan'to 

ako'y nahulog na talaga sayo 

 

na kahit, 

 

bali-baliktarin man ang mundo, 

ikaw parin ang gusto ko. 

kaya idadaan nalang sa tula, 

ang mga damdaming diko mai-salita 

 

magawa sana netong tula kong tagalog 

at masabi kung papaano ako nahulog 

ang mahiyaing tulad ko 

at mga piyesang aking binuo. 

 

gramatiko ko'y basag at walang linis, 

magaspang na tila'y walang bihis, 

pero, tugma naman ang bawat linya. 

Tugma pa rin ang damdamin at piyesa. 

 

wala na makitang tagalog hindi na ako makaisip pa, 

ilong ko'y dudugo na sa kakahanap ng salita, 

pero kahit ang dugo ko'y gagawing tinta, 

para lamang ika'y mapasaya.